fbpx

Kiko ta un kooperativa?

‘Un kooperativa ta un asosiashon outónomo di persona ku ta uni forsa boluntariamente pa kumpli ku e nesesidat- i aspirashonnan ekonómiko, sosial i kultural ku nan tin en komun, mediante un empresa ku ta nan propiedat kolektivo i ku nan ta kontrolá demokrátikamente.’

Un kooperativa ta un organisashon ku ta den man i bou di kontrol di esnan ku ta usa su produkto- i servisionan. Diferente kooperativa por tin diferente propósito, pero loke tur tin en komun ta ku nan ta sirbi pa kumpli ku nesesidat- i ophetivonan spesífiko di nan miembronan i ta keda adaptá na nesesidat di nan miembronan segun ku esaki bai kambiando. Ora un kooperativa generá ganashi, ta sea reinvertí esaki den e empresa òf ta paga esaki bèk na e miembronan. Un kooperativa ta uni hende na un manera demokrátiko i riba un base di igualdat.

Un kooperativa ta un negoshi kaminda ta e miembro- òf sosionan ta doño i ta nan mes ta dirigí e negoshi. Sea ku ta e klientenan, e empleadonan òf e habitantenan ta e sosionan di e kooperativa, kada un tin mes tantu di bisa den loke e negoshi ta hasi, i ta partisipá den su ganashi. Kooperativa ta duna hende kontrol riba nan futuro ekonómiko. Debí ku nan no ta den man di akshonista, e benefisionan sosial i ekonómiko di nan aktividatnan ta keda den komunidat.

Uso di kooperativa komo un forma pa organisá un negoshi a kuminsá durante Revolushon Industrial. E kooperativanan a sirbi pa promové interes di esnan ku ménos poder den komunidat. Obrero, konsumidó, kunukero, artista i otronan a ripará ku nan por a logra mas si nan kombiná nan rekursonan i traha huntu.

Un kooperativa por kumpli ku diferente nesesidat, por ehèmpel:

  • Produktor manera kunukero, artista i industrialista, sa usa kooperativa pa merkadiá òf prosesá nan merkansia.
  • Trahadó den tur tipo di área, for di benta di baiskel i panaderia te na benta via katalòk, sa usa kooperativa pa generá empleo, ofresiendo hopi benefisio.
  • Konsumidó sa usa kooperativa pa por haña komestibel i demas merkansia na mihó preis òf pa por tin akseso na produkto lokal.
  • Negoshi privá, pero tambe entidat públiko, por kumpra na volúmen grandi pa oumentá nan poder di kompra i optené produkto i servisio ku lo ta difísil pa nan haña individualmente.
  • Mayor por optené kuido pa mucha, skol di hunga, skol ‘charter’ òf skol privá di kalidat pa nan yunan.
  • Kompra i mantenshon di kas ta bira pagabel i adaptá na e nesesidatnan di hende di edat, studiante òf hende ku desabilidat, usando e modelo kooperativista.

Ta e sosionan mes ta e kooperativa. Nan:

  • Tin un voto, konforme e reglanan di maneho. Loke nan ta risibí na ganashi ta dependé di e montante di nan transakshonnan ku e kooperativa, no di nan invershon den e kooperativa.
  • Ta sostené e kooperativa komo kliente di dje.
  • Ta sostené e kooperativa, invirtiendo den dje tambe. Pa un kooperativa por krese, e tin mester di sèn. Ora e sosionan hinka sèn den e negoshi kolektivo, nan ta yud’é krese i, na mes momento, ta invertí den nan propio futuro.
  • Ta sostené e kooperativa, stimulando otro hende pa djòin.
  • Ta sostené e kooperativa, kedando na altura di e aktividatnan i e desishonnan esensial.
Cooperative
Cooperative advantage

What is different about a cooperative identity: Cooperatives are uniquely member-owned, member-controlled entities that exist to provide benefits to members. […]

Read More
Cooperative
Cooperative identity, values

A cooperative is an autonomous association of persons united voluntarily to meet their everyday economic, social, and cultural needs and […]

Read More
Cooperative
Cooperative Principles

Cooperatives worldwide generally operate according to the same core principles and values, adopted by the International Co-operative Alliance in 1995. […]

Read More
PAP