Tokante Akademia

Curacao Cooperative Academy Foundation

Un kooperativa ta ofresé formashon i training na su miembronan, representantenan elegí, gerensia i empleadonan, pa asina esakinan por kontribuí efektivamente na desaroyo di nan kooperativa. Tambe, e ta duna públiko en general, i prinsipalmente hubentut i lidernan di opinion, informashon riba e esensia i benefisionan di kooperashon.

Curaçao Cooperative Academy Foundation ta fomentá desaroyo sosial i komunitario mediante aktividat kooperativista, formulando plan i proyekto pa desaroyo di edukashon kooperativista, hubentut i liderazgo.

P’esei, Curaçao Cooperative Academy ta sinti un kompromiso pa ofresé e sosionan di kooperativa, i e komunidat di desaroyo kooperativista en general, oportunidat pa risibí formashon i training kontinuo i pa amplia nan ret di kontakto.

 

Resientemente, nos a aktualisá nos vishon i mishon

Vishon: Un sektor kooperativista kresiente, atraktivo i ku inovashon konstante na Kòrsou.

Mishon  Yuda hende alkansá nan potensial pleno riba tereno di liderazgo, pa asina fortifiká i transformá sektor kooperativista na Kòrsou permanentemente.