Curacao Cooperative Convention

Ku sumo plaser nos ta invitá bo pa djòin nos na e Konferensha , Curacao Cooperative Convention 2026, kual lo tuma lugá djasabra 31 di òktober 2026 na Corendon Mangrove Beach Resort.

E konferensha aki ta e okashon ideal pa nos bini huntu pa selebrá e di 65 Aniversario di Fekoskan, un logro ku ta reflehá mas ku seis dékada di kooperashon, partnership, i dedikashon pa fortalesé e movementu kooperativo na Kòrsou.

E tema prinsipal ta:

Konstruyendo bienestar finansiero, inovashon i komunidatnan sostenibel

Huntu nos lo eksplorá e futuro di e movementu kooperativo, interkambiá ideanan, siña di ekspertonan  i fortalesé e asosiashonnan ku ta hasi nos sektor mas fuerte.

Kiko bo por spera?

✨ Orador prinsipal, Sr. Luis Coto, General Manager di Confederación de Cooperativas de América Latina y el Caribe (CCC-CA).

🤝 Diskushonnan di panel interaktivo ku lidernan di e sektor kooperativo, gobièrnu I banko sentral.

💡 Presentashonnan riba inovashon, bienestar finansiero, i komunidatnan sostenibel.

🌍 Oportunidatnan pa”  network” ku lidernan den kooperativismo.

🎉 Un selebrashon spesial di 65 Aña di Fekoskan, rekonosiendo nos logronan kompartí i mirando pa futuro di e movementu koperativo.

E konferensha aki ta mas ku djis un konferensha, e ta un oportunidat pa rekonektá ku koleganan, interkambiá eksperensia, selebrá nos logronan  i traha huntu pa un sektor kooperativo mas fuerte ainda pa Kòrsou.

Tarifa di Inskripshon:

Partisipashon ta kosta solamente  XCG 125,00 pa persona.

Bo inskripshon ta inkluí:

• Akseso kompleto na tur seshon di e konferensha
• Pakete di kongreso i badge di partisipante
• Konsumo durante dia
• Lunch
• Sertifikado di Partisipashon
• Happy hour selebrashon 65 anivesario Fekoskan

Ban selebrá 65 aña di Fekoskan huntu i sigui konstruí un futuro koperativo mas fuerte pa generashonnan ku ta bini.

Nos ta spera di por yama bo bon biní dia 31 di òktober 2026!

Pa mas informashon por manda un mail pa nos na jmaria@fekoskan.coop òf yama nos ofisina na 462-3670.