fbpx

Otro Kooperativa

Back

Tin diferente otro tipo di kooperativa ku ta kumpli ku sierto nesesidat di nan sosionan; den kada tipo, e miembronan ta elegí un direktiva pa tuma desishon. Tin, entre otro, kooperativa di negoshi òf di ‘servisio kompartí’, kaminda diferente negoshi òf entidat ta bini huntu komo sosio pa asina oumentá nan forsa riba merkado òf redusí nan gastunan di operashon. Serka kooperativa di seguro, di benta detayista òf di studiante, ta e konsumidónan ta sosio.

Tin biaha, un grupo di empresa chikitu independiente ta lanta un kooperativa di negoshi to pa hasi kompra kombiná di produkto, artíkulo di merkadeo òf servisio, ku e meta di redusí gastu i optené sierto bentaha riba merkado. Tin diferente tipo i tamaño di e kooperativanan akí. Hopi bes, e miembronan ta doño di negoshi individual, smanera tienda di ‘hardware’ òf agensia di bien rais (propiedat inmueble), òf nan ta doño di taksi ku ta traha ku e mesun sentral. Doño di tienda di mata tambe por usa un kooperativa pa hasi kompra kombiná di e produktonan ku nan tin mester, pa por risibí deskuento riba volúmen di kompra. E tipo di kooperativa akí ta konosí tambe komo kooperativa di servisio kompartí (‘shared services’). Por ehèmpel, algun direktiva di skol por lanta un kooperativa asina huntu pa kumpra buki i unifòrm di skol na un manera mas efisiente. Entidat públiko tambe por lanta e tipo di kooperativa akí.

Kooperativa di seguro ta ofresé nan sosionan servisio di seguro. E sosionan den e kaso akí ta e konsumidónan, esta, e doñonan di pólisa. Un kooperativa di seguro ta kolektá i invertí e primanan ku su sosionan ta paga, i ta usa e ganashi generá pa baha e gastunan di seguro. Ya ku ta e doñonan di pólisa mes ta doño di e kooperativa, tur ganashi ta bai bèk den man di e konsumidónan den forma di dividendo. Un kooperativa di seguro por ofresé su sosionan prima mas abou i un nivel mas haltu di kontrol.. The revenues generated are then used to reduce the costs of providing insurance. Because policyholders are also owners, any profits return to the consumers as dividends. Insurance cooperatives can offer lower insurance rates and greater control for members.

Un kooperativa di benta detayista sell ta bende merkansia tantu ku su sosionan komo ku públiko en general. E negoshi t’ei pa sirbi su sosionan. E sosionan ta risibí deskuento, kompensashon di patronahe òf tur dos.

Kompensashon di patronahe ta e manera ku e sosio-/doñonan ta partisipá den ganashi di e kooperativa. Tur kooperativa ta usa e término ‘patronahe’ debí ku e sosionan ta risibí nan parti di e ‘ganashi’ via un fórmula basá riba kuantu kada un a usa e kooperativa (den kooperativa di benta detayista, ‘uso’ ta referí na e kompranan hasí denter di un periodo spesífiko). Ademas, kooperativa di benta detayista ta pone kontrol den man di e sosionan. Nan ta kontrolá e kooperativa partisipando den elekshon i vigilando progreso di e kooperativa na e reunionnan anual di sosio. E direktiva, ku ta konsistí di sosio elegí demokrátikamente, ta fiha e maneho i supervisá kon e kooperativa ta wòrdu manehá.

PAP